ヤガマヤ 歌詞

家(や)がまやぬアシャギ　美童(みやらび)ぬ夜(ゆ)なび
言(い)語(かた)れぬ笑(わら)い声(ぐぃ)や　春(はる)ぬうぃりきさ
毛(もう)遊(あし)びぬ三(さん)線(しん)　ようがりウサ小(ぐゎ)
太田(うふた)バンタに響(ひび)くチル小(ぐゎ)唄声(うたぐぃ)
夜(い)漁火(じゃいび)ぬ美(ちゅ)らさ海(うみ)マヒャリ
くりどぅ我(わっ)達(たー)美童(みやらび)春(はる)心(ぐくる)
御月前(うちちゅうめー)ニーファイユー　無(ん)蔵(ぞ)さ加那(かな)さ
夜(ゆ)や明(あ)きて呉(くぃ)るな　くぬままに
家(や)がまやぬアシャギ　美童(みやらび)ぬ夜(ゆ)なび
南(ふぇー)ぬ島(しま)にウシデーク　海(うみ)やウンジャミ

ウムル　クェーナー　ウムイ　念仏(にんぶち)ぬ唱(とぅね)え
くぬ島(しま)ぬ暮(く)らしや昔(んかし)から
思(う)みしーじゃ方(かた)からぬ伝(ちて)え事(ぐとぅ)
豊年(ほうねん)万作(まんさく)大漁(たいりょう)ぬ
みるく世(ゆ)ぬ願(にげ)えや世(ゆ)ぬならい
島(しま)ん人(ちゅ)ぬニライ　御万人(うまんちゅ)ぬカナイ
首里天加那志(しゅいてぃんじゃなし)　御迎機(みゆんち)拝(うが)ま
南(ふぇー)ぬ島(しま)にウシデーク　海(うみ)やウンジャミ
島(しま)ん人(ちゅ)ぬニライ　御万人(うまんちゅ)ぬカナイ
首里天加那志(しゅいてぃんじゃなし)　御迎機(みゆんち)拝(うが)ま
南(ふぇー)ぬ島(しま)にウシデーク　海(うみ)やウンジャミ