夢的華爾滋 歌詞

浪漫的華爾滋　使人醉　我輕輕倚踮在你身邊
感受你的溫度　鼻著你的氣味　幻想著愛情的甜

你深情對我講　我愛你　心內無張持面紅吱吱
踮在你的懷中　心跳跳攏袂離　沉醉在愛情的滋味

月光編織美夢　浪漫溫柔纏綿　上驚夢袂當過三更

夢中的華爾滋　為你醉　你像天頂閃閃爍的彼粒星
月光下的舞步　愛的Melody　難分難離　如醉如痴

夢中的華爾滋　為愛醉　愛情是世界上最迷人的詩
心愛的華爾滋　愈跳愈心碎　夢若拍醒咱就愛分離

------------------------------------------

9589/《夢的華爾滋》Bāng ê Ua-lú-tsuh
賴慧如Luā Huī-jû

浪漫的華爾滋
lōng-bān ê ua-lú-tsuh
使人醉
sú-lâng tsuì
我輕輕倚踮在你身邊
guá khin-khin uá tiàm-tsāi lí sin-pinn
感受你的溫度
kám-siū lí ê un-tōo
鼻著你的氣味
phīnn-tio̍h lí ê khì-bī
幻想著愛情的甜
huàn-siūnn tio̍h ài-tsîng ê tinn

你深情對我講
lí tshim-tsîng tuì guá kóng
我愛你
guá ài lí
心內無張持
sim-lāi bô-tiunn-tî
面紅記記
bīn âng-kì-kì

踮在你的懷中
tiàm-tsāi lí ê huâi-tiong
心跳跳攏袂離
sim-thiàu thiàu lóng buē-lī
沉醉在愛情的滋味
tîm-tsuì tsāi ài-tsîng ê tsu-bī

月光編織美夢
gue̍h-kng pian-tsit bí-bāng
浪漫溫柔纏綿
lōng-bān un-jiû tînn-mî
上驚夢袂當過三更
siōng kiann bāng buē-tàng kuè sann-kinn

夢中的華爾滋
bāng-tiong ê ua-lú-tsuh
為你醉
uī lí tsuì
你像天頂
lí tshiūnn thinn-tíng
閃閃爍的彼粒星
siám-siám-sih ê hit lia̍p tshinn
月光下的舞步
gue̍h-kng hā ê bú-pōo
愛的Melody
ài ê Melody
難分難離
lân-hun lân-lî
如醉如痴
jû tsuì jû tshi

夢中的華爾滋
bāng-tiong ê ua-lú-tsuh
為愛醉
uī ài tsuì
愛情是世界上
ài-tsîng sī sè-kài siōng
最迷人的詩
tsuè bê-lâng ê si
心愛的華爾滋
sim-ài ê ua-lú-tsuh
愈跳愈心碎
jú thiàu jú sim-tshuì
夢若拍醒
bāng nā phah-tshínn
咱著愛分離
lán tio̍h-ài hun-lî