高文舉 - 冷房中 歌詞

冷房中受(于)淩遲，一場冤枉，
阮一場冤枉(于)枉今卜共誰訴起，
想著起來，想著起來阮目滓暗淚滴，
溫金賤婢汝做事不存天，所靠伊爹，
侢所靠叫伊爹你即敢障行儀，
剪落阮雲鬢，又掠阮繡鞋(于)剝棄，
恨于煞文舉僥倖漢，汝侢通忘我爹爹(于)恩義，
今朝于榮顯輕棄阮糟糠于扊扅，
既然知伊心妒忌，既然知伊毒心意，
再通寫書，汝再通寫書搬請阮身來到只，
回想當日離鄉井，回想當日離鄉井，
一路來心歡喜，

所望卜富貴致蔭我父母兄弟，
誰知倒半路遇賊人，
掠阮一于身墜落深坑，阮即險送黃泉于裡，
謝陰光相保庇，得遇著周婆救阮身來到京畿，
嗟誰疑周婆病拆散分離，阮獨自入府尋伊，
文舉又都不見，
未知何日阮只覆盆即會得見天，
聽見點點催更憶著爹媽年老，
今卜怙誰奉侍，
肚內無刀，阮肚內無刀，
那是空割做寸裂，阮肚內兮無刀，
那是空割做寸裂。