戇甲有賰(秀蘭瑪雅) 歌詞

等一班踅卡遠的客運 無想欲遮爾早來轉
看到斡角的seven 敢是你佇遐食薰 三分熟似 七分生份

幾個青燈已經變紅燈 敢通過去相借問
欲行若毋 離開你愈來愈遠 越頭看 月娘漸漸光

一個人看電視配飯 心情是冷去的湯
點一杯咖啡無摻糖 借一段苦甘的溫存

啊～彼個時陣

誰知分寸 戇甲有賰
你是日頭 阮的世界攏嘛綴你轉
愛到袂食袂睏
愛到無天無底無阮
毋知心酸的名 是有緣無份

啊～因為青春
苦嘛蜜糖 戇甲有賰
日到黃昏 才來怨歎暝哪遮爾長
有緣再會 煞無機會加講話
這杯咖啡無糖
來敬咱無緣的黃昏

戇甲有賰 青春煞攏無賰