friend過打band 歌詞

從前曾經早發過誓，謠言閒話不要計，誰和誰稱兄道弟，永遠都不作廢。
無時無刻給你托賴，懸崖前都不褪軚，難挨仍都不怕挫敗，你我總不瓦解。
兩脅插滿了刀，前程誰能料到，嘔心亦喜歡將麻甩佬一一擁抱。
老友老過老鬼，平排唔排大細，天邊海角以後合埋體。
天下間總有班兄弟班不散，擋過子彈上刀山也不眨眼。
Friend過打Band, 再僕心為你僕過命。
需要幫手拍心口在你左與右，一世好友。

情人如失戀有眼淚，窮人如三餐拮据，旁人如加班太過累，有我一起進退。
窮人講乜嘢態度，自己友冇計，哪怕如果天跌到地，有我幫手撐起。
兩脅插滿了刀，前程誰能料到，嘔心亦喜歡將麻甩佬一一擁抱。

老友老過老鬼，平排唔排大細，天邊海角以後合埋體。
天下間總有班兄弟班不散，擋過子彈上刀山也不眨眼。
Friend過打Band, 再僕心為你僕過命。
需要幫手拍心口在你左與右。

並沒有高低也不分貴賤，你去到天邊我都想見面，最美好當我在你身邊快樂一萬年，L-O-V-E.
天下間總有班兄弟班不散，擋過子彈上刀山也不眨眼。
Friend過打Band, 再僕心為你僕過命。
需要幫手拍心口在你左與右，一世好友。