成功的人(彈唱版) 歌詞

你食飽未 敢閣咧無閒工課？
我定定佇無聊的下晡 接著你的電話
猶未(á-buē)出頭天 這是面子的問題
欲按怎講著台北的生活 遮爾(tsiah-nī)艱苦

知啦 知啦 好啦 先按呢 我欲去無閒 我欲做一个成功的人
莫定敲電話 煩惱我食飽未 台北的生活 真正是足奢颺(tshia-iānn)

誰知影有一工煞接無你的電話 你是走去佗
有一个所在若是會當予你輕鬆的過
我嘛會放心 予你離開

想起彼工 徛佇亭仔跤 看著彼个名 彼敢是我熟悉的人
這敢毋是 一場夢 送你離開的最後一段路 遮爾(tsiah-nī)艱苦

好啦 好啦 你愛較早睏 我欲去無閒 我欲做一个成功的人
莫定敲電話 煩惱我食飽未 台北的生活 真正是足奢颺(tshia-iānn)

誰知影有一天煞接無你的電話 你是走去佗
有一个所在若是會當予你輕鬆的過
我嘛會放心 予你離開

誰知影有一天煞接無你的電話 你是走去佗
有一个所在希望會當予你輕鬆的過
我嘛會放心 放心予你離開

請予我機會 講一半句仔我想欲講的話
我毋是逐擺欲刁工佮你冤家
莫食傷濟薰 後世人愛繼續彈吉他
若是有閒 著愛來看我 著愛來看我

誰知影有一天煞接無你的電話 你是走去佗
有一个所在希望會當予你輕鬆的過
我嘛會放心 放心予你離開

好啦 好啦 你愛較早睏 我欲去無閒 我欲做一个成功的人