看天頂(葉程允) 歌詞

看天頂 有閃爍的天星
連成一張面 笑微微
喙開開 有一排金金的喙齒
想欲食 一粒一粒的白米

看天頂 有綿綿的白雲
黏成一隻貓仔 圓滾滾
頭犁犁 劃一道長長的爪痕
想欲耍 對早時耍到黃昏

啊 天頂親像一塊布
有人逐工無暝無日
佇面頂畫圖

啊 天頂藏著偌濟寶
我想欲飛去頂懸
看予清楚

看天頂 有大大的日頭
照著這片土地 汗那流
赤炎炎 燒著我鈍鈍的頭腦
袂使哭 因為我生做傷緣投

看天頂 有媠媠的月娘
看顧逐個暗暝 毋知偌久
金爍爍 安慰著心內的憂愁
敢若是 熟似一世人的朋友