あの夏の日 歌詞

アダン葉(ばー)ぬ道(んつ)　アグ達(たぁ)とぅ歩(あす)きﾟたー
我(ば)が心(きﾟむ)ぬ島(すま)　ナウサ道(んつ)
手綱持(たづなむ)つ爺(しゅう)　隣(とぅなず)ん座(び)しﾟゅう婆(あーま)
馬車ぬ後小(ちびがま)から
ウギャスぬ実(みー)ゆ採(とぅ)い
笑(あま)い声(ぐい)ぬ里(さとぅ)ん響(とぅゆ)み
旅(たぴす)ぬアグぬきゃや島(すま)んかい
戻(むどぅ)り来(くぅ)んまま

学校からぬ道(んつ)　君(ううﾟぁ)とぅ喧嘩(あい)どぅ
泣かいしみた事(くとぅ)　心痛(きﾟむや)まし
すまんてぃ君(ううﾟぁ)ん　ただ一声(ぴすとぅくい)だき
夜中(ゆなか)　戸(やどぅ)う叩(たた)きﾟたー
今(んなま)や持(む)ちーどぅうーべや

幼少頃(やらびぱだ)ぬ　濁(むぎゃぁ)りうらん心(きﾟむ)
君(ううﾟぁ)とぅまた島(すま)ぬ酒小(さきがま)ゆ
飲(ぬ)みみーぶす

ウギャスぬ実(みー)ゆ採(とぅ)い
笑(あま)い声(ぐい)ぬ里(さとぅ)ん響(とぅゆ)み

登(ぬぶ)すﾟたー　バンキﾟ木(ぎー)　遊(あす)ぴた納屋(なや)まい
今(んなま)や面影一(うむかぎぴてぃ)つにゃーん
旅(たびす)ぬアグぬきゃや島(すま)んかい
戻(むどぅ)り来(くう)んまま

君(ううﾟぁ)とぅまた島(すま)ぬ酒小(さきがま)ゆ
飲(ぬ)みみーぶす