多活你一天 歌詞

行過遐濟離合悲歡 希望會當行到永遠
無通事事照心願 牽手創造美滿

食過遐濟酸苦甜鹹 幸福滋味各人一款
有時歡喜有時冤 心頭猶原溫暖

我欲多活你一工 這是我的心願
驚你無我 一粒心會肝腸寸斷
找無目屎的開關

我欲多活你一工 這是我的心願
佮你牽手 行到性命最後一工
你是我永遠的掛念

------------------------------------------

《加活你一工》Ke Ua̍h Lí Tsi̍t-kang
陳怡婷Tân Î-tîng

行過遐濟離合悲歡
kiânn kuè hiah tsuē lî-ha̍p pi-huan
希望會當行到永遠
hi-bāng ē-tàng kiânn kàu íng-uán
無通事事照心願
bô-thang sū-sū tsiàu sim-guān
牽手創造美滿

khan-tshiú tshòng-tsō bí-buán

食過遐濟酸苦甜鹹
tsia̍h kuè hiah tsuē sng-khóo-tinn-kiâm
幸福滋味各人一款
hīng-hok tsu-bī kok-lâng tsi̍t-khuán
有時歡喜有時冤
ū-sî huann-hí ū-sî uan
心頭猶原溫暖
sim-thâu iu-guân un-luán

我欲加活你一工
guá beh ke ua̍h lí tsi̍t-kang
這是我的心願
tse sī guá ê sim-guān
驚你無我
kiann lí bô guá
一粒心會肝腸寸斷
tsi̍t-lia̍p sim ē kan-tn̂g tshùn-tuān
揣無目屎的開關
tshuē-bô ba̍k-sái ê khai-kuan

我欲加活你一工
guá beh ke ua̍h lí tsi̍t-kang
這是我的心願
tse sī guá ê sim-guān
佮你牽手
kah lí khan-tshiú
行到性命最後一工
kiânn kàu sìnn-miā tsuè-āu tsi̍t-kang
你是我永遠的掛念
lí sī guá íng-uán ê kuà-liām